Félagsleg heimaþjónusta

Svör við nokkrum helstu spurningum um félagslega heimaþjónustu:

Hvað er félagsleg heimaþjónusta ?

Með félagslegri heimaþjónustu er átt við;
- aðstoð við heimilishald, 
- persónulega umhirðu, 
- félagslegan stuðning 
- gæslu og umönnun barna og unglinga.

Hvert er markmið félagslegrar heimaþjónustu ?

Markmið þjónustunnar er;
aðstoða einstaklinga og fjölskyldur sem ekki

geta hjálparlaust séð um heimilishald sitt sjálfar. 
Þjónustan getur verið tímabundin 
eða til lengri tíma eftir aðstæðum hvert sinn.

Hverjir eiga rétt á félagslegri heimaþjónustu?

Þeir sem búa í heimahúsum og geta ekki 
vegna skertrar getu, fjölskylduaðstæðna, 
álags, veikinda, barnsburðar eða fötlunar 
sinnt heimilishaldi hjálparlaust. 
Réttur til heimaþjónustu er háður því skilyrði 
að farið hafi fram einstaklingsbundið mat á þörf viðkomandi. 

Hvernig er sótt um félagslega heimaþjónustu?

Umsóknareyðublað má fá á skrifstofu Félagsþjónustu Rangárvalla- og Vestur Skaftafellssýslu, Austurvegi 4, Hvolsvelli, 2. hæð, skrifstofum sveitarstjórna í viðkomandi sýslum og starfsmönnum félagsþjónustunnar þar.

Sé beiðnin um þjónustuna af heilsufarsástæðum þarf að fylgja henni læknisvottorð. Starfsmenn félagsþjónustunnar fara á heimili umsækjanda og meta þörf hans. Félagsmálanefndir sveitarfélaganna fjalla síðan um umsóknina.

Þjónustusamningur.

Þegar þjónustumat hefur farið fram skal gerður þjónustusamningur við þjónustuþega um þau atriði er þjónustan skal fela í sér. Matið skal endurskoða reglulega. Í kjölfar endurkoðunar skal samningurinn endurskoðaður í samvinnu við þjónustuþega.

Hvað kostar að fá félagslega heimaþjónustu ?

Gjaldskrá félagslegrar heimaþjónustu er samþykkt af hverju sveitarfélagi fyrir sig. Hægt er að fá upplýsingar um gjald fyrir hvern klukkutíma þjónustunnar hjá öllum framantöldum aðilum og á heimasíðum þeirra á netinu.

Félagsþjónusta Rangárvalla- og Vestur Skaftafellssýslu

Austurvegi 4, 860, Hvolsvelli. Sími : 4878125.