Hreppsnefnd Ásahrepps býður öllum íbúum Ásahrepps til upplýsingafundar að Laugalandi í Holtum, matsal. 
Fundurinn verður haldinn mánudaginn 19. desember 2022 og hefst klukkan 16:00.

Á fundinum munu halda fræðsluerindi:

• Fulltrúi Félagsþjónustu Rangárvalla- og Vestur-Skaftafellssýslu sem kynnir starf Félagsþjónustunnar og þá þjónustu sem stendur eldri borgurum boða.
• Fulltrúi FEBRANG (Félags eldri borgara í Rangárvallasýslu) sem kynnir starfsemi félagsins.
• Fulltrúi Laugalandsskóla sem kynnir verkefni um tæknifræðslu.

Síðan geta fundarmenn komið með fyrirspurnir eftir framsögur og átt gott samtal um málefni eldri borgara í sveitarfélaginu.  Kaffi og meðlæti verður í boði á fundinum.

Allir íbúar Ásahrepps eru hvattir til að mæta á fundinn til að fræðast og hafa huggulega samverustund, þá sérstaklega íbúar sem eru 60 ára og eldri.

Með bestu kveðju,

Ísleifur Jónasson
oddviti Ásahrepps