Hreppsnefnd Ásahrepps

Mál nr. 1; Holtamannaafréttur; Búðarháls; Skilgreining efnistökusvæðis; Aðalskipulagsbreyting - 2405016
Lögð er fram tillaga aðalskipulagsbreytingar, eftir kynningu, er varðar skilgreiningu efnistökusvæðis á austanverðum Búðarhálsi, milli Tungnaár og vegarins að Sporðöldustíflu. Efnistökusvæðið er á gildandi deiliskipulagi Búðarhálsvirkjunar, merkt E8. Stærð námu verði 2,3 ha og heimiluð efnistaka allt að 49.000 m3. Umsagnir bárust á kynningartíma og eru þær lagðar fram við afgreiðslu málsins.

Hreppsnefnd Ásahrepps samþykkir samhjóða framlagða tillögu að breytingu á aðalskipulagi sveitarfélagsins vegna efnistökusvæðis á Búðarhálsi í samræmi við 1. mgr. 36. gr. skipulagslaga nr. 123/2010. Mælist hreppsnefndin til þess að tillagan verði auglýst skv. 1. mgr. 31 sömu laga að undangenginni samþykkt Skipulagsstofnunar.
Hreppsnefnd Ásahrepps bendir á að samningur um efnisnám og fyrirkomulag greiðslna fyrir efnisnám á námusvæðum sé forsenda útgáfu framkvæmdaleyfis.

Mál nr. 2; Sauðholt 2 L193421; Skilgreining tveggja frístundalóða, Slot og Hof; Deiliskipulag - 2412067
Lögð er fram tillaga nýs deiliskipulags sem tekur til Sauðholts 2 L193421 í Ásahreppi. Í deiliskipulaginu felst skilgreining tveggja frístundalóða í landi Sauðholts 2. Á hvorri lóð er heimilt að byggja sumarhús, gestahús og geymslu/áhaldahús. Aðkoma að lóðunum er um nýjan slóða af heimreið að Sauðholti 2. Gert er ráð fyrir að lóðirnar fái staðvísana Slot og Hof.

Á grundvelli stefnumörkunar aðalskipulags Ásahrepps er varðar að á hverri jörð, sem er 20 ha eða stærri, sé heimilt að byggja allt að þrjú stök frístundahús samþykkir hreppsnefnd Ásahrepps samhljóða deiliskipulagið og að það verði auglýst á grundvelli 41. gr. skipulagslaga nr. 123/2010. Tillagan verði sérstaklega kynnt eigendum aðliggjandi landeigna.

Mál nr. 3; Holtamannaafréttur L221893, Vatnsfellsskurður; Dýpkun Vatnsfellsskurðar ofan lokuvirkis; Framkvæmdarleyfi - 2412050
Lögð er fram umsókn um framkvæmdaleyfi sem tekur til dýpkunar á Vatnsfellsskurði ofan lokuvirkis. Markmið framkvæmdarinnar er að tryggja flutningsgetu skurðarins með því að fjarlægja efni sem safnast hefur í skurðinn og viðhalda þannig hannaðri botnhæð 551 m h.y.s. Helstu verkþættir framkvæmdarinnar eru gerð bráðabirgðastíflu, vatnstæming skurðar, gröftur á seti úr skurði, mótvægisaðgerðir við stöð og fjarlæging bráðabirgðastíflu. Áætlaður verktími er frá mars 2025 til loka maí 2025.

Hreppsnefnd Ásahrepps samþykkir samhljóða útgáfu framkvæmdaleyfis á grundvelli 13. gr. skipulagslaga nr. 123/2010, með fyrirvara um að samningur um efnisnám og fyrirkomulag greiðslna fyrir efnisnám á námusvæðum sé lokið samkvæmt fyrri bókun hreppsnefndar. Að mati hreppsnefndarinnar rúmast framkvæmdin innan heimilda og stefnumörkunar aðal- og deiliskipulagsáætlana sveitarfélagsins.

Mál nr. 4; Holtamannaafréttur L221893; Athafnasvæði við Sigöldustöð; Framkvæmdarleyfi - 2412066
Lögð er fram umsókn um framkvæmdaleyfi sem tekur til athafnasvæðis við Sigöldustöð vegna fyrirhugaðrar stækkunar stöðvarinnar. Vinnubúðir verða annars vegar aðstaða verktaka og hins vegar fyrir starfsmenn Landsvirkjunar til eftirlits. Gert er ráð fyrir vinnuaðstöðu vegna uppbyggingar virkjunar og dvalaraðstöðu starfsfólks, mötuneyti o.fl. Þar að auki verður svæði fyrir sprengiefnageymslu, steypustöð, skemmur/verkstæði og haugsvæði fyrir mögulega efnislosun. Áætlað er að um 140 starfsmenn verði í vinnubúðunum þegar mest lætur. Vinnubúðir verða annars vegar á vegum verktaka, um 120 starfsmenn, og hins vegar á vegum Landsvirkjunar, um 20 starfsmenn. Gert er ráð fyrir tímabundinni nýtingu svæðisins meðan framkvæmdir við stækkun Sigöldustöðvar standa yfir. Reiknað er með að framkvæmdatíminn verði allt að 4 ár (um 42 mánuðir) og að búðirnar verði fjarlægðar og gengið frá athafnasvæðinu eins vel og verða má, innan þriggja ára eftir að framkvæmdum lýkur.

Hreppsnefnd Ásahrepps samþykkir samhljóða útgáfu framkvæmdaleyfis á grundvelli 13. gr. skipulagslaga nr. 123/2010, með fyrirvara um að samningur um efnisnám og fyrirkomulag greiðslna fyrir efnisnám á námusvæðum sé lokið samkvæmt fyrri bókun hreppsnefndar. Að mati hreppsnefndarinnar rúmast framkvæmdin innan heimilda og stefnumörkunar aðal- og deiliskipulagsáætlana sveitarfélagsins.

Mál nr. 5; Kálfholt L1.b L208177; Skipting lóðar í 6 búgarða; Deiliskipulag - 2309073
Lögð er fram tillaga nýs deiliskipulags fyrir jörðina Kálfholt L1.b L208177 í Ásahreppi eftir auglýsingu. Gert er ráð fyrir að skipta upprunajörðinni upp í sex búgarða, 10 - 13 ha að stærð. Á hverjum búgarði verði heimild til að byggja íbúðar- og útihús. Umsagnir bárust á auglýsingartíma og eru þær lagðar fram við afgreiðslu málsins ásamt viðbrögðum við þeim og uppfærðum gögnum.

Hreppsnefnd Ásahrepps samþykkir samhljóða framlagt deiliskipulag eftir auglýsingu. Hreppsnefndin telur að brugðist hafi verið við umsögnum sem bárust vegna málsins með fullnægjandi hætti innan gagnanna þar sem aðkoma að landinu er færð til í takt við umsögn Vegagerðarinnar auk þess sem byggingarreitir eru minnkaðir með það að markmiði að koma til móts við umsögn Náttúrufræðistofnunar. Hreppsnefndin mælist til þess að deiliskipulagið taki gildi með birtingu auglýsingar í B-deild Stjórnartíðinda að lokinni yfirferð Skipulagsstofnunar í samræmi við 42. gr. skipulagslaga nr. 123/2010.

Mál nr. 6; Holtamannaafréttur L221893; Sigöldustöð; Efnistökusvæði; Aðalskipulagsbreyting - 2405114
Lögð er fram tillaga aðalskipulagsbreytingar sem tekur til breytingar á aðalskipulagi Ásahrepps 2020-2032, eftir auglýsingu. Með breytingunni felst að skilgreint verði nýtt efnistökusvæði við aðrennslisskurð Sigöldustöðvar. Efni hefur verið tekið af svæðinu við framkvæmdir tengdar virkjunum og vatnsmiðlun, en náman er ekki á skipulagi. Efni úr námunni verður einkum nýtt við framkvæmdir í tengslum við fyrirhugaða stækkun Sigöldustöðvar. Stærð efnistökusvæðis verður um 1 ha og heimilt verður að vinna allt að 49.000 m3 af efni. Umsagnir bárust við kynningu málsins og eru þær lagðar fram við afgreiðslu þess. Umsagnir sem bárust vegna málsins eru lagðar fram við afgreiðslu þess eftir auglýsingu.

Hreppsnefnd Ásahrepps samþykkir samhljóða breytingu á aðalskipulagi eftir auglýsingu. Engar athugasemdir bárust á auglýsingatíma skipulagsbreytingarinnar. Hreppsnefnd Ásahrepps óskar eftir því við Skipulagsstofnun að aðalskipulagsbreytingin taki gildi með birtingu auglýsingar í B-deild Stjórnartíðinda í samræmi við 3. mgr. 32. gr. skipulagslaga nr. 123/2010.
Hreppsnefnd Ásahrepps bendir á að samningur um efnisnám og fyrirkomulag greiðslna fyrir efnisnám á námusvæðum sé forsenda útgáfu framkvæmdaleyfis.

Mál nr. 47; Afgreiðslur byggingarfulltrúa - 25-218 - 2501001F
Lögð fram til kynningar fundargerð afgreiðslufundar byggingarfulltrúa nr. 25-218.

Einnig var lögð fram til kynningar fundargerð afgreiðslufundar byggingarfulltrúa nr. 24-217.

Til kynningar.

Til kynningar.

Til kynningar.

Til kynningar.

Til kynningar.

Til kynningar.

Til kynningar.

Gerðar hafa verið leiðréttingar í takt við breytingar á lögum og tilvísana til þeirra ásamt nokkrum orðalagsbreytingum til að auka skýrleika á innihaldi kjörbréfanna.
Hreppsnefnd Ásahrepps samþykkir samhljóða fyrirliggjandi endurskoðuð erindisbréf.

Hreppsnefnd Ásahrepps samþykkir samhljóða að staðfesta núverandi fulltrúa Ásahrepps í svæðisráð vestursvæðis Vatnajökulsþjóðgarðs, þ.e. aðalmaður Þráinn Ingólfsson og varamaður Nanna Jónsdóttir.

Hreppsnefnd gerir engar athugasemdir við að umbeðið tækifærisleyfi sé veitt, en bendir á að umrætt húsnæði er í Rangárþingi ytra og ber því sveitarfélagi að gefa umsögn um framlagða umsókn.

Hreppsnefnd Ásahrepps samþykkir samhljóða að veita styrk að upphæð kr. 10.000.

Hreppsnefnd Ásahrepps hefur verulegar áhyggjur af þeirri stöðu sem upp er komin varðandi mönnun lækna í sýslunni.
Fundur var haldinn mánudaginn 6. janúar 2025 með fulltrúum sveitarfélaga í Rangárvallasýslu og forsvarsmönnum HSU. Á þeim fundi kom m.a. fram að búið væri að tryggja mönnun lækna í héraðinu að minnsta kosti næstu tvo mánuði. Betur má ef duga skal og ítrekar hreppsnefnd Ásahrepps mikilvægi þess að tryggð verði mönnun lækna í Rangárvallasýslu til framtíðar. Núverandi staða og óvissa varðandi mönnun er óboðleg íbúum og gestum í sýslunni.

Lögð voru fram tillaga að sameiginlegri ályktun sveitarfélaganna vegna mönnunarvanda lækna í sýslunni og áskorun til ráðherra heilbrigðismála að beita sér fyrir lausnum á þessari stöðu sem nú er uppi.

Hreppsnefnd Ásahrepps samþykkir samhljóða fyrir sitt leyti framlagða ályktun.

Í erindinu er óskað eftir því við sveitarstjórnir Rangárþings ytra og Ásahrepps að fá heimild til að láta vinna húsrýmis- og kostnaðaráætlun, á kostnað sveitarfélaganna, fyrir framkvæmd sem snýr að því að byggja nýja 6-8 rýma hjúkrunarálmu við Lund auk sameiginlegs rýmis fyrir tómstundir og tengda þjónustu sem myndi nýtast bæði núverandi starfsemi Lundar, fyrirhuguðum þjónustuíbúðum sem og dagvistunarrýmum með framtíðarvöxt að leiðarljósi. Í þeirri vinnu er mikilvægt að rýna einnig núverandi húsnæði Lundar og taka tillit til möguleika þar, við gerð húsrýmis- og kostnaðaráætlunar.

Hreppsnefnd Ásahrepps samþykkir samhljóða fyrir sitt leyti framlagða beiðni.

Hreppsnefnd Ásahrepps samþykkir samhljóða að veita skipulagsfulltrúa UTU umboð til undirrita merkjalýsingar fyrir hönd Ásahrepps þegar sveitarfélagið sjálft er landeigandi.

Til kynningar.

Til kynningar.

Til kynningar.

Til kynningar.

Til kynningar.

Til kynningar.

Til kynningar.