Hreppsnefnd Ásahrepps

Á fundinn mætir Friðrik Einarsson, endurskoðandi KPMG, vegna framlagningar ársreiknings Ásahrepps 2025. Friðrik ásamt Valtý sveitarstjóra fara yfir ársreikninginn og skýra ýmsa liði. Ársreikningur er þó háður þeim annmörkum að ekki hefur enn verið lokið ársreikningum sumra byggðasamalaga sem er miður. Hreppsnefnd Ásahrepps leggur áherslu á að nauðsynlegt er fyrir stjórnir og stjórnendur byggðasamlaga að flýta gerð ársreikninga svo hægt verði að leggja fram ársreikninga sveitarfélaga í góðum tíma án tímalegrar pressu. Ársreikningar sveitarfélaga á að hafa verið lokið með tveimur umræðum fyrir 15. maí ár hvert og er því óásættanlegt að ekki sé verið að ljúka afgreiðslu ársreikninga byggðasamlaga fyrr en undir lok apríl mánaðar. Hér þarf að gera bragarbót á og ljúka afgreiðslu ársreikninga byggðasamlaga mun fyrr en raunin hefur sýnt.